實地視察新屋入面間隔。

從露台望出去既迪士尼	close up
電腦房	睡房(和室)
廚房	脱衣間
雜物房	門口望落街

中秋佳節,夜媽媽落左街散歩兼「想魚」。
今年雖然無月餅食,但係同到鍾意既人齊埋一齊過中秋,已經足。

條街好多燈好光,但係一個人影都無

個月亮好圓好細粒。今年火星離月亮好遠。。。

張梳化床終於泥喇!老友仔因為要攪新屋D野,所以我一個人等床床 & 台台。。。
一朝早執好和房,搬D布団（ふとん）出ベランダ晒,吸塵 等等,泥到喇,好開心!影相! 呵呵〜
之後鋪上次係tokyu hands 買既床單,再放我係 UFO キャッチャー夾返泥既 NEMO,有D温馨既感覺。
張台無拆開,去到新屋先拆。

不過可能未病好,突然郁動噤多,退左既燒又好似發返,頭痛,所以 ai 係梳化到訓左。老友仔返泥,無食夜晩就訓左喇。

第一晩訓新床,就發左個温馨夢。

話説同老友仔行行下,
老(好似變態噤摸住我pet pet 話) : 個蘿柚大左D播,(註:蘿柚用廣東話,其餘係日文),減多 5 cm 就 perfect 喇,第時生細路時都無噤辛苦。
我: 我唔生呀,我都唔鍾意細路。
老: 毎個男人都想自己心愛既女人幇自己生細路。
我: 下? (摸摸額頭),有無燒? 洗唔洗去あおやま (青山) ?
老(左我 pet pet 一脚) :生,唔係第時藤家無後喇!
我: 好呀,我生隻哥基, 或者柴犬, 就改名叫藤獅子丸。
老: @!#$%^&*
無幾耐,屋企近玄關間房就成為左狗屋喇。但係唔記得最終係哥基定柴犬。

~~完~~

有D無里頭,但係又幾合羅緝。可能我想養狗想到上腦。
有日收到朋友仔 I sent 過泥既相簿, 去左個朋友屋企玩,果個人,總共養左11隻雪橇狗 + 一隻史納沙!
daddy & mammy & 大仔(3隻) + 岩岩出世細仔6隻雪橇。。。一個大男人,同12隻狗住係村屋,屋企無家私,因為D狗會咬,仲成屋狗毛。
12隻真係好誇,唔敢想像一齊吠,會幾(笑)

出世唔一星期	BB仔開左眼

又病左,發燒,軟頼頼,無力,喉龍痛,無胃口。。。死
想人出氣,老友仔遭殃硬食。。。

老細又請食飯。放工,坐的士到恵比寿,去左一間叫「 Grill TSUBAME 」既餐廳。tsubame つばめ 係燕子既意思,但係間野係食漢堡出名。
老細order,叫左恵比寿黒beer, 工作完後飲返杯,真係好似一身輕晒!
裝修好特別,係開放式,望到商場外面,好似係個森林入面。菜泥,鐵板上用錫紙包住舊漢堡,切開張錫紙時,
D 香味跟住 D 煙一齊撲向鼻,真係想一口咬落去,不過好熱!
一路食,一路傾,老細發展係中國市場,想以問左我好多中國既野,好少日本人對中國噤有興趣。不過全世界都知,
中國係個寶,個個發展商都喉住li舊肥豬肉。。

食完飯,返屋企,經過東京站,開左間鬼太郎舖頭。
之前開左間小飛侠舖頭,過左一個星期再去,無左,以為自己路痴認唔到路。好くやしい影唔到小飛侠!!
入左間鬼太郎店,係噤影相,好興奮。出左新圖案 t-shirt ,係目玉おやじ浸緊温泉,講「なまけものになりなさい 」,
意思係「做隻大懶虫」,好攪笑!

星期5,part-time 既老細有招待卷,問我去唔去 gift show ,of course 去!又有人工,又近(係東京国際展示駅,お台場附近),又可以去見識。
香港,台灣,韓國既 gift show 都去過,終於輪到日本喇!

仲有のまネコ！居然因為一隻歌而出産品。
都話做 character design 日本最發達。而家我做part-time 果到都傾緊想我幇地公司做一個image character
,如果真係成事,我既夢想就泥會成真! (而家第一個夢想己經成左真喇,就係可以係日本定居)。要努力!

日本又打風,今次好似叫彩蝶。同老友講叫彩色既胡蝶,話一 D 都唔彩,因為今次個風好勁,
雖然唔會打到泥東京,但係 D 雨已經令到東京某 D 地方水浸。老友仔出世既地方--中野,都浸到。
電視影到以前屋企附近添。。。睇到時,有D 失落。。。
今日個天都好怪,一大舊黒雲,低下光光地,影到張時之後唔2分鍾就落大雨喇。

今日去左附近既大型百貨公司玩。因為已經9月,學校開晒學,而且今日係平日,所以好少人,可以慢慢行慢慢玩。
雖然仲係9月,但係已經布満晒萬聖節野。上去二樓家私部,行下行下,見到我係 Tokyu hands 買左既果張台,
一睇價錢!嘩,成 1XXXX,貴成一倍! 好開心,執到平野,係驚喜之下,唔覺意爆響口講左出泥我買左一模一樣既台。
老友仔一聽到,開頭係「下,又買左野?」既樣,但係聽到係我買比之後就列歯而笑講「多謝」。不過張台泥,要買多張碌碌chair 先。
途中,見到3眼仔坐 BB 車,影低左。真係好,日本百貨公司無人理。坐左好多張大床 & 幾十萬日元既梳化。

感覺到慢慢偏離留學生既生活,因為身為留學生,遲早會離開日本返國,當然唔會買 D 大形家具,又花錢,到走時又要人要,如果掉又要比錢,
係呀,日本掉大形rubbish要比錢家!少至電視機,大至雪櫃,都要錢!
而家,搬新屋,而且又會定居,又可以自己 design 全屋擺置, 所以鍾意左睇家具,睇下 D 色點襯。話晒自己都係讀 design ,
想人地一入到間屋到能感到好舒服。我會努力家喇! 新屋入夥整理好晒會擺係到比大家睇下!預先放我地抽到果個單位既平面圖係到先。

心血來潮,同老友仔試整下杏仁豆腐。原來好簡單,只需以下材料:

杏仁霜 20 g
寒天粉 10 g
糖 30 g
Milk 550 ml

大家知唔知寒天係?原來係大菜粉呀!
量好量,煮下攪下,灘凍,加糖水就食得。不過可能第一次整,彬量未控掣得好,有 D 硬。。。下次再整過!

又多左兩個學生學國語, 幇補下家計都好。下學期無時間返全日翻譯,收入減少,全職教國語都好,起碼成3000 yen 一個鍾,
比起以前做餐廳日走夜走先得1000 yen 一個鐘。而家幾輕鬆,不過事前準備打 notes 出功課都幾花時間,
但係有3個學生係初級,所以 notes & 功課可以共用。
呀〜 11月有中國語檢定試,好似日本語能力試有分級。
有2個學生已經報左4級,地考試時我都要考試,要温下D 簡體字寫法同PING音 & 聲調先。

之前返立川時影既獅子丸。天口興,連狗都吽吽地〜

清去向。會頂硬上留係日本。

搬新屋,要添置家具。
其實我夢寐以求想要張梳化 & 床好耐。因為之前果張床褥,老友仔訓足 N 年,無晒彈性,個 pat pat 位仲凹凹地。。。可能就訓到我條腰有事。

前幾日,又陪朋友仔D 去拍雲呑麺。之後去左 Tokyu Hands 睇野,
做緊個 Summer Holiday 既 Sale, 行下行下,係家私部見到張梳化床!!
價錢又唔貴。同朋友仔R試坐! 嘩! 好舒服呀!兩個人坐仲有空位淨!
我而家間屋入面,除左我工作台之外,跟本無椅子可以坐,食飯呀,睇電視都要坐地下,
老友仔日本人,慣左屈膝坐,但係我坐唔幾分鐘就會脚痺。所以好想要呀!
返到屋企,同老友商量,比band左,話都就泥搬,仲増加行李做,
又話無錢,又話無地方。。。。
我話個sale 到31號,之後無家喇,無平既梳化床家喇,一路扁咀一路ai。。。
最終老友仔係我功下屈服!呵呵〜
因為8月31號係最後一天,去渋谷返part-time 之後就去買喇!
同時發現有張工作台,可以比老友仔同時放2部 desktop,好大張又好平,
所以忍唔住手買埋。同一日送貨。我無話比老友仔知買左台,住比個驚喜,
但係岑日試探,問鐘唔鐘意坐高D用電腦,話慣左坐地下!
車,唔要既我要! 況且我都儲緊錢買部 G5 desktop ! 張台仲係白色,襯晒我部小白!

之前我申請 domain name 既 site,２年約滿左,居然加價,要我比US$100一年,
我當然唔比,等左一個月,終於放返個名出泥,我即刻去申請返, of course 唔經果間死人美國site,
去幇襯日本個 →click← 一年只係￥808,而且網上空間都係￥268/月,唔鍾意 yahoo geocities 有廣告 banner ,所以申請埋。
好野!可以放好多野係個網到喇!離開學仲有20零日, renew 個 hp 先!of course 間屋都要renew。

近排日日聽住首歌。
O-ZONE - DRAGOSTEA DIN TEI〜恋のマイアヒ〜(ねこねこ空耳 恋 ver)
之前係 smap x smap 入面,木村扮ホスト(舞男!?)時邊跳邊唱,都覺都幾好聽。
有次去 HMV ,見到出 MV 連 single,一路睇個 MV,一路爆笑(注:係間 HMV 入面呀),
空耳(そらみみ soramimi) 聽錯,幻聽?
日本有個節目,叫 タモリ倶楽部「 空耳 アワード」,入面係D人投稿D外國歌,
會聽到D日文字既發音, 無厘頭但係好爆笑! 不過好少今次首歌合羅輯!
想唔想聽? 好,就免費放係到 !

老友仔有個朋友,會成日去中國 & 香港出差,有次傾傾下,想我一齊去做翻譯,我都想呀,又可以賺錢,又可以返香港(當然唔洗我比機票錢),
不過我個回郷証過期左好耐,對上次返香港時住申請,點知唔記得左帶身証返去,所以申請唔到特區護照 & 回郷証。。。
不過聽講東京九段下,有個香港領事館(係靖國神社附近,好諷刺),可以攪手續。日去睇睇先。

終於比我影到 NANA 電車喇。幾個車廂都唔同畫,不過淨係比我影到3張,都怪新宿站勁多人!

講開 NANA, 我大家都有睇,入面主角 小松奈々, 曾經比朋友仔M(我地識左成15年喇)話我似。當然唔係外貌,係性格。
比個了解我既人講,我開始留意,而慢慢都覺得似似地,親鍾意一個人,會成個人投入入去,會專一,忠心,真係好似狗對主人,好痴身,都唔走。
我都比老友仔話過我｢情が強い｣,雖然係好事,但係好同壞都係「表裏一体」(ひょうりいったい),有時會比到壓力話。
而睇下睇下,都會覺得 TAKUMI ( 一之瀬 巧 !?) 似似地老友仔,of course 都係性格,野周詳,都以大局著想,但係又唔講出口,收埋收埋。。。
但係其實好鍾意奈奈。。。

以上係本人既感覺,唔岩聽唔洗理會〜

今日係某一個人既生日, 但係今日既我,好平淡過。因為已經唔關我事。有感而發,又要發下up 風先。

毎對情侶一定會有D地方唔夾,不過只要互相配合,出一個協調既方法相處,其實都唔係野。
D都係老友仔教, 我任性,真係要?個大過自己好多既人做對像,先可以忍受。
以前既我,會為對方改變好多, 亦都要求對方為自己改變。可能樣,大家都難受。
段感情其實變左質好耐,只不過係不斷免強係埋一齊。累了,作出決定, 個決定係百之百對既。
因為樣,我先至會與當時仲係朋友仔既老友仔出街,先至會有現時既生活, 好耐未試過比人深深愛著既感覺。
之前覺得太快同老友仔一齊住唔好,但係其實都係多得一齊住,先更加了解對方,知道以方式交往先最適合。
唔經唔覺一齊9個月喇。。。比起以前既經歴雖然短,但係大家都知道,對方係最後既一個。。。(aiyo 骨痺)